काठमाडौँ । इन्डियन प्रिमियर लिग–२०२४ को अन्तिम लिग खेलमा कोलकाता नाइट राइडर्स र राजस्थान रोयल्सबीचको खेल वर्षाका कारण रद्द भएको छ ।
गुवाहाटीमा आइतबार साँझदेखि नै अविरल वर्षा भइरहेको थियो । राति १०ः३० बजे करिब साढे तीन घण्टा ढिलो टस भएपनि खेल सञ्चालन हुन सकेन । यस्तो अवस्थामा दुवै टोलीले एक–एक अंक पाएका छन् ।
यी अंकसहित कोलकाता (२० अंक) पहिलो र राजस्थान (१७ अंक) तेस्रो स्थानमा छ । यस्तो अवस्थामा क्वालिफायर–१ कोलकाता र हैदरावादबीच मे २१ मा अहमदाबादमा खेलिनेछ । यही मैदानमा मे २२ मा राजस्थान र बैंगलोरबीच एलिमिनेटर खेल हुनेछ ।
आइतबार सनराइजर्स हैदरावादले पञ्जाब किंग्सलाई ४ विकेटले पराजित गर्यो । यो जितसँगै हैदरावाद शीर्ष २ मा पुगेको छ ।
