एजेन्सी । टी–२० विश्वकप २०२४ जुन २ बाट सुरु हुँदैछ । यो टी–२० विश्वकपको ९औँ संस्करण हो, जसमा २० टोली आमने सामने हुनेछन् ।
यहाँ ब्याट्सम्यानले मात्रै हैन, फास्ट बलरले पनि आफ्नो बलिङले प्रभाव पार्नेछन् । यस्तो अवस्थामा सबैको नजर ती पाँच फास्ट बलरमाथि हुनेछ जसको अगाडि ठूला ब्याट्सम्यान पनि झुक्न सक्छन् ।
अष्ट्रेलिया, भारत, पाकिस्तान, इंग्ल्याण्ड र न्युजिल्याण्ड टिममा यस्ता फास्ट बलर छन् जसको गति १४० किलोमिटर प्रतिघण्टाभन्दा माथि छ । जसमा मिचेल स्टार्क, जसप्रित बुमराह, शाहिन अफ्रिदी, जोफ्रा आर्चर र ट्रेन्ट बोल्ट रहेका छन् ।
मिचेल स्टार्कः मिचेल स्टार्क अस्ट्रेलियाका फास्ट बलर हुन् । स्टार्कले १६०.४ किलोमिटर प्रतिघण्टाको गतिमा बलिङ गर्न सक्छन् । मिचेल स्टार्कले टी–२० विश्वकपमा हालसम्म २० खेल खेलिसकेका छन् । यी २० खेलमा उनले ८.३५ को इकोनोमीमा ७९ ओभर बलिङ गर्दै २७ विकेट लिएका छन् ।
शाहीन अफ्रिदीः शाहीन अफ्रिदी पाकिस्तानका फास्ट बलर हुन् । शाहिन अफ्रिदीले १५४.४ किलोमिटर प्रतिघण्टाको गतिमा बलिङ गर्न सक्छन् । अफ्रिदीले टी–२० विश्वकपमा अहिलेसम्म १३ खेल खेलिसकेका छन् । यी १३ खेलमा उनले ४९.१ ओभर बलिङ गर्दै ६.५९ को इकोनोमीमा १८ विकेट लिएका छन् ।
जोफ्रा आर्चरः जोफ्रा आर्चर इंग्ल्याण्डका फास्ट बलर हुन् । आर्चरले १५३.६२ किलोमिटर प्रतिघण्टाको गतिमा बलिङ गर्न सक्छन् । जोफ्रा आर्चरले एउटा पनि टी–२० खेल खेलेका छैनन् । टी–२० विश्वकप उनको डेब्यू टी–२० विश्वकप हो । तर, जोफ्रा आर्चरले अहिलेसम्म १७ टी–२० खेल खेलिसकेका छन् । यी १७ खेलमा उनले ७.६४ को इकोनोमीमा २१ विकेट लिएका छन् ।
जसप्रित बुमराहः जसप्रित बुमराह भारतका फास्ट बलर हुन् । बुमराहले १५३.२६ किलोमिटर प्रतिघण्टाको गतिमा बलिङ गर्न सक्छन् । बुमराहले टी–२० विश्वकपमा अहिलेसम्म १० खेल खेलिसकेका छन् । यी १० खेलमा उनले ३८.४ ओभर बलिङ गर्दै ६.४१ को इकोनोमीमा ११ विकेट लिएका छन् ।
ट्रेन्ट बोल्टः ट्रेन्ट बोल्ट न्युजिल्यान्डका फास्ट बलर हुन् । बोल्टले १४३.३ किलोमिटर प्रतिघण्टाको गतिमा बलिङ गर्न सक्छन् । ट्रेन्ट बोल्टले टी–२० विश्वकपमा अहिलेसम्म १४ खेल खेलिसकेका छन् । यी १४ खेलमा उनले ५५.४ ओभर बलिङ गर्दै ६.५७ को इकोनोमीमा २५ विकेट लिएका छन् ।
