एजेन्सी । टी–२० विश्वकप २०२४ मा शुक्रबार ठूलो अपसेट देखियो । अमेरिका र आयरल्याण्डबीचको खेल वर्षाका कारण रद्द भएको थियो । एक अंक जोडेर अमेरिकाले सुपर ८ मा आफ्नो स्थान पक्का गरेको छ भने पाकिस्तान बाहिरिएको छ ।
यति मात्र होइन, सुपर–८ मा स्थान पक्का गरेपछि अमेरिका सन् २०२६ को संस्करणका लागि सीधै छनोट पनि भएको छ ।
सन् २०२६ को टी–२० विश्वकप भारत र श्रीलंकामा हुँदैछ । दुवै टोली ठूला प्रतियोगिता आयोजना गरेर सिधै प्रतियोगिताका लागि छनोट हुनेछन् । सुपर–८ मा परेका अन्य सात टोलीले सोझै प्रतियोगिताका लागि छनोट हुनेछन् । जुन ३०, २०२४ सम्मको आईसीसी वरीयतामा तीन उच्च स्थानमा रहेका टोलीहरू पनि प्रतियोगिताको लागि छनोट हुनेछन् ।
१२ टोली प्रत्यक्ष रूपमा छनोट हुनेछन्
आईसीसीका अनुसार शीर्ष ८ मा पर्ने टोलीले प्रतियोगिताको अर्को संस्करणका लागि प्रत्यक्ष छनोट पाउनेछन् । प्रतियोगितामा २० टोलीको सहभागिता रहनेछ जसमध्ये १२ टोलीले प्रत्यक्ष छनोट पाउनेछन् भने आठ टोलीको छनोट क्वालिफायरबाट गरिने छ ।
