काठमाडौँ । गायक महेश काफ्ले र गायिका अस्मिता अधिकारीले इन्गेजमेन्ट गरेका छन् । दुबई पुगेर उनीहरुले इन्गेजमेन्ट गरेका हुन् ।
दुबईको बुर्ज खलिफा सामुन्ने खिचेको तस्बिर सामाजिक सञ्जाल फेसबुकमा हाल्दै महेशले सहयात्राको सुरुवात भएको बताएका छन् ।
‘सहयात्राको यो सुरुवात । हामी इन्गेज्ड भएका छौँ । अस्मिता अधिकारी आई लभ यू ’, महेशले लेखेका छन् ।
अस्मिताले पनि सामाजिक सञ्जालमा तस्वीर पोस्ट गर्दै लेखेकी छिन्, ‘दुई आत्मा, एक मुटु, सधैं सँगै’।
महेश र अस्मिता लामो समयदेखि प्रेम सम्बन्धमा थिए ।
