काठमाडौं । बालुवाटारमा मन्त्रिपरिषद बैठक बसेको छ । प्रधानमन्त्री केपी शर्मा ओलीको आह्वानमा मन्त्रिपरिषद बैठक बिहान साढे १० बजे बस्नेगरी बोलाइएपनि ११ बजेबाट मात्रै सुरु भएको बालुवाटार स्रोतले जनाएको छ । मन्त्रिपरिषद बोलाएर संवैधानिक आयोगहरुमा नियुक्तिअघि बढाउने उद्देश्यले बैठक बोलाईएको हो ।
मन्त्रिपरिषदको बैठक प्रायः साताको सोमबार र बुधबार बस्ने गरेकोमा यसपटक मंगलबार बोलाइएको हो । मंगलबार बिहानको संवैधानिक परिषद बैठकमा गणपुरक संख्या नपुगेपछि बेलुका ५ बजेलाई अर्को बैठक बोलाइएको छ ।
आजको संवैधानिक परिषद बैठकमा सभामुख अग्नि सापकोटाको उपस्थित थिएन् तर विपक्षी दल काँग्रेसका सभापति शेर बहादुर देउवा भने उपस्थित थिए ।
