सोलुखुम्बु । यहाँको खुम्बु पासाङल्हामु गाउँपालिका–५ स्थित थामे गाउँभन्दा माथीबाट आज दिउँसो भीषण बाढी आएको छ ।
भीषण बाढीले थामे गाउँका एक होटल र दुई घर बगाएको बताइएको छ ।
थामे गाउँमा बाढीले क्षति पुर्याएको र दुधकोशी नदीमा पानीको प्रवाह वृद्धि भएको छ ।
हिम पहिरो गएको खबर प्राप्त हुनासाथ नेपाली सेनाको उद्धार टोली परिचालित भई प्रभावित इलाकाबाट ६ जनाको उद्धार कार्य गरेको सेनाले जानकारी दियो ।
उक्त पहिरोमा परी १५ देखि २० घर पुरिएको भन्ने बुझिएको सेनाको भनाई छ । हालसम्म कुनै पनि मानवीय क्षतिको विवरण प्राप्त भएको छैन ।
