काठमाडौँ । नेपाली सुनचाँदी बजारमा आईतबार सुनको मूल्यले नयाँ रेकर्ड बनाएको छ । एकै दिन ३ हजार रुपैयाँ बढेर सुनले नयाँ रेकर्ड बनाएको हो ।
आज सुनको मूल्य हालसम्मकै उच्च १ लाख ५२ हजार ६ सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । अघिल्लो कारोबारमा सुन प्रतितोला १ लाख ४९ हजार ६ सय रुपैयाँमा कारेबार भएको थियो ।
यसअघि साउन ३० गते सुनको भाउमा १ लाख ५० हजार ५ सय रुपैयाँको उच्चतम रेकर्ड बनेको थियो ।
यस्तै, आज चाँदीको मूल्य पनि बढेको छ । आज चाँदी तोलामा २० रुपैयाँले बढेर एक हजार ७६० रुपैयाँ कायम भएको महासंघले जनाएको छ ।
