एजेन्सी । बलिउड अभिनेता सलमान खानले हालै अमेरिकी लक्जरी घडी र ज्वेलरी ब्रान्ड ज्याकब एण्ड कम्पनीका मालिक ज्याकब अरावोलाई भेटेका थिए ।
यस अवसरमा ज्याकबले सलमानलाई आफ्नो लक्जरी घडी बिलियनियर आईआईआई लगाउन लगाएका थिए । विशेष कुरा के छ भने यो घडीको मूल्य १६७ करोड भारु (नेपाली करिब २६७ करोड) छ र यसमा ७१४ सेतो हीरा जडिएको छ ।
आफ्नो इन्स्टा अकाउन्टमा यो भिडियो सेयर गर्दै ज्याकबले लेखेका छन्, ‘मैले कहिल्यै कसैलाई ‘बिलियनेयर’ लगाउन दिइनँ, तर सलमान अरूभन्दा फरक छन् ।’
क्लिपमा ज्याकबले सलमानलाई आफ्नै हातले घडी लगाएको देखिन्छ । त्यो लगाएपछि सलमानले उनलाई अँगालो हालेर क्यामेरातिर हात देखाए र लग्जरी घडी देखाए ।
बिलियनेयर आईआईआई एक लक्जरी घडी हो जसको मूल्य २६७ करोड रुपैयाँ रहेको बताइएको छ । यसमा १५२ वटा सेतो हीरा र ७६ वटा हीरा जडिएका छन् । यस घडीको ब्रेसलेटमा ५०४ सेतो कट हीरा छन् ।
यो २१६ क्यारेटको घडीमा पहेंलो हीरा पनि जडिएको छ । म्याडोना, रिहाना र क्रिस्टियानो रोनाल्डोजस्ता अन्तर्राष्ट्रिय सेलिब्रेटीहरू ज्याकब अरावो घडी र गहना लगाउँछन् ।
कामको कुरा गर्दा सलमानको अर्को फिल्म ‘सिकंदर’ रहेको छ । अहिले उनी मुम्बईमा यो फिल्मको सुटिङ गरिरहेका छन् । यसलाई एआर मुरुगादासले निर्देशन गर्दैछन् भने साजिद नाडियाडवालाले निर्माण गरिरहेका छन् । फिल्ममा सलमानका अलावा रश्मिका मन्दना, प्रतिक बब्बर र सत्यराज पनि देखिनेछन् । आगामी वर्षको इदमा फिल्म रिलिज हुनेछ ।
