काठमाडौँ । संगीत र समाजसेवामा सक्रिय आनी छोइङ डोल्माको ‘जिन्दगीको पाठशाला ‘बोलको नयाँ गीत सार्वजनिक भएको छ ।
ओएसआर डिजिटल मार्फत सार्वजनिक गीतमा प्रशासनविद् तथा वरिष्ठ गीतकार डा दामोदर रेग्मीको शब्द रहेको छ ।
संगीतमा कृति न्यौपाने छन् भने पुरुषोत्तम सुवेदीले एरेन्ज गरेका छन् । किशोर थापाको मिक्सिङ मास्टरिङ र राकेश श्रेष्ठको रेकर्डिङ रहेको यस भिडियोमा वरिष्ठ अभिनेत्री मिथिला शर्माको अभिनय रहेको छ ।
यो गीतको भिडियो काठमाडौँको दरबार हाइस्कुल, भानुभक्त मावि र कीर्तिपुरको पुष्प सदन मावि तथा स्वयम्भूमा छायांकन गरिएको छ । भिडियोमा उत्सव दाहालको छायाङ्कन, मीन रावलको सम्पादन र कृष्णदेव रूपाखेतीको निर्देशन रहेको छ ।
