काठमाडौँ । इंगिलस प्रिमियर लिग फुटबलमा आर्सनलले बराबरीमा खेलेको छ ।
गएराति भएको खेलमा आर्सनलले ब्राइटनसँग १-१ गोलको बराबरी खेल्दै अंक बाँडेको हो । खेलको १६ औं मिनेटमा इथान न्वनेरीले गोल गर्दै आर्सनललाई सुरुवाती अग्रता दिलाएका थिए ।
६१ औं मिनेटमा जोआओ पेड्रोले पेनाल्टीमार्फत गोल गर्दै ब्राइटनलाई बराबरीमा ल्याए । त्यसपछि खेलमा थप गोल हुन सकेन र खेल बराबरीमा सकियो ।
२० खेलबाट ४० अंक जोडेको आर्सनल अंकतालिकाको दोस्रो स्थानमा छ । ब्राइटन २८ अंकका साथ १० औं स्थानमा छ ।
