काठमाडौँ । च्याम्पियन्स ट्रफी जित्ने टोलिले ५८ करोड रुपैयाँ नगद पुरस्कार पाउने भएको छ । भारतीय क्रिकेट कन्ट्रोल बोर्ड (बीसीसीआई)ले यो पुरस्कार घोषणा गरेको हो ।
यो रकम टोलीका सबै खेलाडी, प्रशिक्षक र सपोर्ट स्टाफमा बाँडफाँड गरिनेछ ।
बीसीसीआईका सचिव देवजित सैकियाले प्रत्येक खेलाडीलाई ३–३ करोड, मुख्य प्रशिक्षकले ३ करोड र सहायक प्रशिक्षकले ५० लाख रुपैयाँ पाउने बताए ।
यस्तै, बीसीसीआईका पदाधिकारीहरुलाई २५ लाख रुपैयाँ दिइनेछ । छनोट समितिका सदस्यले पनि जनही ५० लाख रुपैयाँ पाउनेछन् ।
मार्च ९ मा भएको च्याम्पियन्स ट्रफीको फाइनलमा भारतले न्यूजिल्याण्डलाई ४ विकेटले पराजित गर्दै उपाधि जितेको थियो ।
