काठमाडौं । मध्यपुर थिमि नगरपालिका-९ बोडे निलबाराहीस्थित पिकनिक स्पोटको पार्किङ स्थलमा हत्या गरिएका ओमप्रकाश राईको हत्या आरोपीलाई पक्राउ गरिएको छ ।
राईको हत्या आरोपमा रोल्पाको परिवर्तन गाउँपालिका–६ घर भएका ५७ वर्षीय हिमाल बुढामगरलाई पक्राउ गरिएको भक्तपुरका डीएसपी तथा प्रवक्ता ढुण्डिराज नेउपानले जानकारी दिए ।
१०० रुपैयाँमा विवाद हुँदा हिमालले ओमप्रकाशको हत्या गरेको पाईएको अनुसन्धानमा खटिएका एक अधिकृतले बताए । प्रहरीले उनलाई आजै सार्वजनिक गर्ने तयारी गरेको छ ।
आइतबार बिहान निलबाराहीस्थित पिकनिक स्थलनजिक पार्किङ स्थलमा कवाडी संकलक ओमप्रकाश मृत भेटिएका थिए । उनको दाहिने कानको छेउ र टाउकामा चोट लागेको अवस्थामा पाईएको थियो । यसतै, प्रहरीले घटनास्थलबाट रगत लतपतिएको ढुंगा समेत फेला पारेको थियो ।
