काठमाडौँ । हङकङमा हुने चारदेशीय टी–२० आई सिरिजका लागि नेपाली टोलीको घोषणा गरिएको छ । नेपाल क्रिकेट संघ (क्यान)ले रोहित पौडेलको कप्तानीमा १४ सदस्यीय नेपाली टोलीको घोषणा गरेको हो ।
टोलीमा सन्दीप लामिछाने, अनिलकुमार शाह, आरिफ शेख छैनन् ।
नेपालले अप्रिल ९ देखि हङकङमा चारदेशीय टी–२०आई सिरिज खेल्ने तय छ । नेपालले पहिलो खेल अप्रिल ९ मा कतारसँग, अप्रिल १० मा कुवेत र अप्रिल १२ मा हङकङसँग खेल्नेछ ।
नेपाली टोली:
रोहित पौडेल (कप्तान), आसिफ शेख, कुशल भुर्तेल, लोकेश बम, बसिर अहमद, दीपेन्द्रसिंह ऐरी, कुशल मल्ल, ललित राजवंशी, सोमपाल कामी, करण केसी, शाहव आलम, नन्दन यादव, रिजन ढकाल र गुलशन कुमार झा
