काठमाडौं । सत्तारुढ नेपाली कांग्रेसले केन्द्रीय कार्यसमितिको बैठक बोलाएको छ ।
बैठक वैशाख १७ गते दिउँसो १ बजे सानेपास्थित बीपी स्मृति भवनमा बस्नेगरी बोलाइएको हो ।
राजनीतिक अवस्था, सरकारको समीक्षा र महाधिवेशन हुन नसकेका भ्रातृ संस्थाहरूको विषयमा निर्णयका लागि केन्द्रीय कार्यसमितिको बैठक बोलाइएको कांग्रेसले जनाएको छ ।
सरकारको प्रभावकारीताबारे पार्टीभित्रबाटै आलोचना बढेपछि त्यस विषयमा समेत बैठकमा छलफल हुने बुझिएको छ ।
