काठमाडौँ । युइएफए वुमन्स च्याम्पियन्स लिग फुटबलको उपाधि आर्सनलले जितेको छ ।
गएराति पोर्चुगलको लिस्बनमा भएको फाइनल खेलमा साविक विजेता बार्सिलोनालाई १–० गोलले हराउँदै आर्सनल च्याम्पियन बनेको हो ।
आर्सनललाई उपाधि दिलाउन एकमात्र निर्णायक गोल स्टिना ब्लाकटेनियसले गरिन् । उनले खेलको ७४ औं मिनेटमा गोल गरेकी हुन् ।
आर्सनलको यो दोस्रो उपाधि हो । यसअघि आर्सनलले २००६–०७ मा उपाधि जितेको थियो । लियोन क्लब प्रतियोगिताको सर्वाधिक सफल टोलि हो । उसले ८ पटक उपाधि जितेको छ ।
