काठमाडौं । सत्तारुढ दल नेपाल कम्युनिष्ट पार्टीको स्थायी समिति बैठकमा प्रधानमन्त्री केपी शर्मा ओली अनुपस्थित भएका छन्। पार्टीको अध्यक्ष समेत रहेका प्रधानम्नत्री ओली शुक्रबार बसेको स्थायी समिति बैठकमा अनुपस्थित भएका हुन् ।
प्रधानमन्त्रीका प्रेस सल्लाहकार सूर्य थापका अनुसार अहिले सरकारका काममा ध्यान दिनुपर्ने बेला भएको भन्दै ओली बैठकमा उपस्थित नभएका हुन्।
बुधबार सुरु भएको पहिलो बैठकमा अध्यक्ष ओली र प्रचण्डले दिएका मनतव्यपछि नेकपामा तरंग उत्पन्न भएको छ । खासगरी पार्टी र सरकार सञ्चालनमा भएको एकलौटी निर्णय प्रक्रियामा अधिकांश सदस्यहरु असन्तुष्ट देखिएका छन् । यसै क्रममा ओली र प्रचण्डले एकले अर्कालाई सहयोग नगरेको भन्दै आपसमा घोचपेच गरेका थिए ।
आज बाँकी सदस्यहरुले बोल्ने छन्। स्थायी समिति बैठकमा छलफलको लागि सात वटा एजेण्डा तय गरिएको छ।
