एजेन्सी । भारतीय क्रिकेटर सरफराज खानले पछिल्लो २ महिनामा १७ किलो तौल घटाएका छन् ।
२७ वर्षीय सरफराजले सोमबार इन्स्टाग्राममा जिममा कसरत गर्दै गरेको फोटो स्टोरी सेयर गरेका छन् । फोटोमा उनी पूर्ण रूपमा स्लिम देखिन्छन् । सरफराजको फोटोलाई धेरै मन पराइएको छ ।
मे २४ मा इङ्गल्याण्ड भ्रमणको लागि घोषणा गरिएको भारतीय क्रिकेट टोलीमा सरफराजले स्थान पाएनन् । यसबारे पूर्व भारतीय स्पिनर हरभजन सिंहले भनेका थिए ‘यो धेरै दुर्भाग्यपूर्ण छ । मलाई विश्वास छ कि उनी बलियो भएर फर्कनेछन् ।’
सरफराजले आफ्नो अन्तिम टेस्ट खेल नोभेम्बर २०२४ मा न्युजिल्याण्ड विरुद्ध खेलेका थिए। उनलाई अष्ट्रेलिया भ्रमणको लागि भारतीय टोलीमा पनि छनोट गरिएको थियो, तर कुनै पनि खेलमा प्लेइङ–११ मा स्थान पाएनन् ।
सरफराजको फिटनेसमाथि सधैं प्रश्न उठाइन्थ्यो । खराब फिटनेस र तौल बढी भएको कारण उनको धेरै आलोचना भयो । त्यसपछि उनले आफ्नो फिटनेसमा ध्यान दिन थाले ।
