काठमाडौँ। प्रधानमन्त्री सुशीला कार्कीले आज बिहान पशुपतिनाथ मन्दिर पुगेर दर्शन तथा पूजा अर्चना गर्नुभएको छ।
उहाँले बिहानै पशुपति क्षेत्र विकास कोषका अधिकारीहरूको उपस्थितिमा मन्दिर परिसरमा विशेष पूजा गर्नुभएको हो।
प्रधानमन्त्री कार्कीले देशको शान्ति, समृद्धि र नेपाली जनताको कल्याणका लागि पशुपतिनाथको दर्शन गरेको उहाँको सचिवालयले जनाएको छ।
दर्शनका क्रममा पशुपति क्षेत्र विकास कोषका पदाधिकारीले क्षेत्रको सरसफाइ, व्यवस्थापन र संरक्षण सम्बन्धी चालु योजनाबारे प्रधानमन्त्रीलाई जानकारी गराएका थिए।
