काठमाडौँ । राष्ट्रिय स्वतन्त्र पार्टी (रास्वपा)ले निर्वाचन आयोगमा समानुपातिक उम्मेदवारको बन्दसूची पेश गरेको छ ।
रास्वपाले बालेन शाह र उज्यालो नेपाल पार्टीसँगको एकतापछि सहमति अनुसार कुल ११० जनाको नाम बुझाएको हो ।
उक्त सूचीमा रास्वपा प्रवास विभाग केन्द्रीय सदस्य तथा गण्डकी इन्चार्ज विष्णु कुमारी गुरुङ (एकता) पनि पर्नुभएको छ । उहाँ रास्वपाको कास्की जिल्ला संस्थापक सभापति पनि हुनुहुन्छ । सूचीमा उहाँ २९ औं नम्बरमा रहनुभएको छ । रास्वपाले उनलाई आदिवासी जनजातितर्फको कोटामा समावेश गरेको हो ।
विभिन्न संघसंस्थामा आवद्ध हुँदै नेतृत्व समेत लिनुभएकी गुरुङ मातृभूमि फर्की आफ्नो व्यवसायको साथै सामाजिक सक्रिय हुनुहुन्छ ।
अमेरिका १४ वर्ष बसेर त्यतिकै क्रियाशील रहनुभएको गुरुङ विशेष गरि महिलाका बिषयमा थुप्रै कार्यक्रम गरि एनडब्लुजीएन (नेपाली वुमेन ग्लोबल नेटवर्क) क्यालिफोर्निया शाखाको अध्यक्ष समेत रहनुभयो ।
दर्जनौं अवार्डहरुले सम्मानित गुरुङ जबसम्म राजनीतिक धार परिवर्तन हुँदैन तबसम्म देश र जनताको अवस्था परिवर्तन हुँदैन भन्ने भावनाले राजनीतिमा होमिएको बताउनुहुन्छ ।
