काठमाडौं । नेपाली कांग्रेसको विशेष महाधिवेशनअन्तर्गत निर्वाचन समितिमा अहिलेसम्म पदाधिकारीतर्फ दुई जनाको उम्मेदवारी दर्ता भएको छ।
निर्वाचन समितिका अनुसार दुवै उम्मेदवारी सहमहामन्त्री पदका लागि परेको हो। सहमहामन्त्रीमा थारु क्लस्टरबाट डा. गोपाल दहित (बर्दिया) र खस आर्य क्लस्टरबाट भरतबहादुर खड्का (डोटी)ले मनोनयन दर्ता गराएका छन्।
सभापति, उपसभापति र महामन्त्री पदमा भने अहिलेसम्म कसैको पनि उम्मेदवारी दर्ता नभएको निर्वाचन समितिले जनाएको छ।
निर्वाचन कार्यतालिकाअनुसार मनोनयन दर्ता प्रक्रिया जारी रहेको छ।
