ताप्लेजुङ। ताप्लेजुङ एक विद्यालयका ६० जना छात्र छात्रालाई न्यानो कपडा वितरण गरिएको छ ।
फक्ताङलुङ गाउँपालिका–३, लिङ्खिमका समाजसेवी निशान लिम्बूको सहयोगमा सोही गाउँपालिका–२ मा पर्ने खेजेनिमको सिबु आधारभूत विद्यालयका बालबालिकालाई आज न्यानो कपडा वितरण गरिएको हो ।
कार्यक्रममा उहाँले समाज सेवा गर्ने उद्देश्यसहित विद्यालयमै पुगेर न्यानो कपडा वितरण गरिएको र आगामी दिनमा पनि यस कार्यलाई निरन्तरता दिइने प्रतिबद्धता व्यक्त गर्नुभयो । रासस
