काठमाडौं । आइसिसी टी-२० विश्वकप क्रिकेट आजदेखि सुरू हुँदैछ।
भारत र श्रीलंका आयोजक रहको विश्वकपको पहिलो खेल भारतको मुम्बईस्थित वानखेडे स्टेडियममा बेलुकी नेपाली समयअनुसार सवा ७ बजे हुँदैछ।
पहिलो खेल आयोजक राष्ट्र भारत र अमेरिका बिच हुदैछ । विश्वकपको दसौँ संस्करणमा २० टिम सहभागी छन् ।
सहभागी टिमलाई चार समूहमा विभाजन गरिएको छ । एक समूहमा पाँच टिम रहने छन् । हरेक समूहका शीर्ष दुई टोली सुपर–८ मा पुग्ने छन् । सुपर–८ मा दुई समूह हुने छन् । हरेक समूहका शीर्ष दुई टोली सेमिफाइनल खेल्ने छन् । त्यसपछि फागुन २४ गते विश्वकपको फाईलन खेल हुने छ ।
नेपालले पहिलो खेल इंग्ल्यान्डसँग फेब्रुअरी ८ मा (माघ २५) खेल्नेछ।
