इरानमा १८० यात्रु सवार विमान दुर्घटना भएको छ । तेहरानस्थित इमाम खुमेनी विमानस्थलबाट उडेको युक्रेन विमान केहीबेरमा दुर्घटना भएको बताइएको छ । क्षतिको विवरण भने आइसकेको छैन ।इरानी टेलिभिजनहरुले प्राविधिक कारणले विमान दुर्घटना भएको बताए पनि विस्तृतमा खुलाएका छैनन् ।
नागरिक उड्डयनका प्रवक्ता रजा जाफरजादेहले तेहरानको दक्षिण पश्चिम क्षेत्रमा विमान दुर्घटना भएको जानकारी दिँदै भनेका छन्, ‘जाँचबुझका लागि दुर्घटनास्थलमा टोली खटिएको छ ।’
अमेरिका र इरानबिच अहिले खटपट भइरहेको छ । विमान दुर्घटना हुनुभन्दा केही घण्टा अगाडिमा इरानले इराकस्थित अमेरिकी सेना बसेका दुई स्थानमा १५ ब्यालिष्टीक मिसाइल आक्रमण गरेको थियो । यो आक्रमण इरानी सेनाका कमाण्डर कासिम सुलेमानी मारिएको बदलामा गरेको इरानले जनाएको छ ।
