न्युयोर्कको क्वीन्स स्थित कोरोनामा फेहोर बोक्ने सरकारी ट्रकको ठक्करबाट दश वर्षिय बालक श्रीजल पन्थीको मृत्यु भएको छ । घटना मंगलबार बिहान ७ बजेतिर, ९७ स्ट्रीट र ५७ एभ्युन्युमा भएको बताईएको छ । आफ्नो आमाको साथमा विधालयतर्फ जाँदैगर्दा अचानक उक्त सरकारी ट्रकले उनीहरुलाई ठक्कर दिएको थियो ।
घटना भए लगत्तै छोरा र आमा दुबैलाई एम्बुलेन्सबाट नजिकैको एलमष्ट हस्पिटल लगिएको थियो । बालक श्रीजल पन्थीको भने हस्पिटल लगिएको केहि बेरमै मृत्यु भएको हो ।
उनका आमाको भने उपचार भईरहेको छ । यस मर्माहित घटनाले न्युयोर्कबासी नेपालीहरुलाई सोक स्तब्ध बनाएको छ ।
