काठमाडौं । अनेरास्ववियूले केपी शर्मा ओली पक्राउको विरोधमा प्रदर्शन गरेको छ।
अनेरास्ववियू आरआर क्याम्पस एकाइ समितिको अगुवाइमा विद्यार्थीहरूले शनिबार भृकुटीमण्डप क्षेत्रमा प्रदर्शन गरेका हुन्। प्रदर्शनकारीहरूले पूर्वप्रधानमन्त्री ओली तथा पूर्वगृहमन्त्री रमेश लेखक को अविलम्ब रिहाइको माग गरेका छन्।
प्रहरीले शनिबार बिहान ओलीलाई भक्तपुरको गुण्डुस्थित निवासबाट पक्राउ गरेको थियो भने लेखकलाई कटुन्जेस्थित निवासबाट नियन्त्रणमा लिएको थियो।
प्रहरीका अनुसार ‘जेनजी आन्दोलन’ सम्बन्धी छानबिन गर्न गठित गौरीबहादुर कार्की आयोग ले बुझाएको प्रतिवेदनका आधारमा दुवै जनालाई पक्राउ गरिएको हो।
प्रदर्शनका क्रममा आक्रोशित विद्यार्थीहरूले सोही आयोगको प्रतिवेदन जलाएर विरोध जनाएका थिए।
