काठमाडौं । यतीबेला चलचित्र ‘चपली हाइट ३’ को धमाधम छायांकन भइरहेको छ । चलचित्र ‘चपली हाइट को सक्विेन्समा बनेको यो तेस्रो सिक्वेन्स थ्रिलर कथामा बनाईएको छ । चलचित्रमा अभिनेत्री स्वस्तिमा खड्का, सुपुष्पा भट्ट, आमिर गौतम, महेश त्रिपाठीलगायत कलाकारको अभिनय रहेको छ । निकेश खड्काले निर्देशन गरेको यो चलचित्रमा अभिनेता अर्पण थापाको इन्ट्री गराईएको छ ।
निर्माता अर्जुन कुमारले निर्माण गरेको यस चलचित्रको तेस्रो सिक्वेन्समा अभिनेता अर्पण थापाको इन्ट्री गराईने भएको हो । चलचित्रमा अभिनेता अर्पणको लुक्स सार्वजनिक गरेसंगै उनको लुक्सलाई हेर्दा उनलाई दर्शकहरुले खलपात्रको भूमिकामा देखिन लागेको अनुमान गर्न सकिन्छ ।
२८ चैतबाट देशव्यापी प्रदर्शनमा आउने तयारीमा रहेको यो चलचित्रमा अभिनेता अर्पणको प्रवेशसँगै टिम झनै बलियो बनेको छ । पुरुषोत्तम प्रधानको छायांकन रहेको यस चलचित्रले समाजका समसामयिक घटनालाई उधिनेको छ ।
