काठमाडौं । भारतको सर्वाधिक चर्चित फिल्म ‘सोले’ बाट तपाई परिचित हुनुहुन्छ भने कालिया नामको पात्रले तपाईलाई पुरानो समयमा अवश्य पुर्याउने छ । फिल्ममा ‘अब तेरा क्या होगा कालिया’ भन्ने गब्बर सिंहको डायलगले अझै पनि समाजमा स्थान पाई नै रहेको हुन्छ ।
उनै कालिया अर्थात् विजु खोटेको ७७ वर्षको उमेरमा सोमबार निधन भएको छ । उनको ‘मल्टिपल अर्गान फेलर’ का कारण आफ्नै घरमा बिहान ६ः५५ मा निधन भएको हो । विजु खोटेको अस्पतालमा नभई घरमै देह त्याग्ने चाहनाको कारणले उनलाई केही दिनअघि मात्र घर फर्काइएको थियो । खोटेले सोलेबाहेक करिब ३ सय वटा हिन्दी र मराठी फिल्ममा अभिनय गरेका थिए ।
उनले ‘अन्दाज अपना अपना’ मा निभाएको ‘रोबर्ट’ को भूमिका पनि चर्चित छ । सो फिल्ममा उनले बोल्ने डाइलग ‘गल्ती से मिस्टेक हो गया’ लाई पनि निकै रुचाइएको थियो । मल्टिपल अर्गान फेलर’ का कारण उनको मृत्यु भएको भारतीय सञ्चारमाध्यमले जनाएका छन् ।
