काठमाडौँ । आश्विन सङ्क्रान्तिका दिन आज कालीगढले विश्वकर्माको पूजाआजा गरी विश्वकर्मा दिवस मनाईरहेका छन् । वास्तु शास्त्रीले आजको दिनलाई वास्तु दिवसका रुपमा समेत मनाउने प्रचलन रहेको छ । मजदुरहरुलाइ आजका दिन बिदा पनि दिने चलन छ ।
आज कलकारखानामा–औधोगीक क्षेत्रहरु रंगीचंगी पार्नुका साथै बिशेष पूजा पनि गरीन्छ । आजका दिन आफनो फलामका औजारहरुको पूजा गर्नाले लामो समय सम्म टिक्ने जनबिश्वास रहि आएको छ ।
यही सम्झनामा नेपालका कालीगढले आज भव्य रुपमा विश्वकर्मा बाबाको पूजा गरी उनको विद्वताको सम्मान गर्ने गर्छन् । यसो गरेमा आफूमा पनि विश्वकर्माको गुण प्राप्त हुने विश्वास जनमानसमा रहेको छ । द्वापर युगमा भगवान् कृष्णलाई राक्षसले दुःख दिएपछि विश्वकर्माले समुद्रका बीचमा ‘भेद द्वारका’ बनाइ लुकाएको धार्मिक विश्वास छ ।
एकै रातमा समुद्रका बीचमा ‘भेद द्वारका’ को निर्माण गरेकाले विश्वकर्मालाई सफल वास्तुविद्का रुपमा मानी त्यसै समयदेखि पूजाआजा गर्ने परम्परा बसेको नेपाल पञ्चाङ्ग निर्णायक समितिका अध्यक्ष एवम् धर्मशास्त्रविद् प्रा. डा रामचन्द्र गौतम बताउँछन् ।
