काठमाडौँ । हरियाली राजधानी बनाउने अभियानअन्तर्गत त्रिपुरेश्वरदेखि दरबारमार्गसम्म सयौ विरुवा रापिने भएको छ । महानगरले ५ फिटभन्दा माथिका विरुवामात्रै रोप्ने नीति अनुसार बिहीबारमात्रै १ सय ६५ वटा विरुवा रोपिएको हो।
काठमाडौं महानगरपालिकाका मेयर विद्यासुन्दर शाक्यले बिहीबार वृक्षारोपण अभियानको शुभारम्भ गर्दै सडक खण्डका दुवै किनारामा १५ मिटर दुरीमा वृक्षारोपण, हुर्काउने र व्यवस्थापन गर्ने सबै महानगरले नेपाली सेनालाई जिम्मा दिएको छ ।
उनले कार्यक्रमपछि काठमाडौँ वतावरण व्यवस्थापन विभागलाई सहर सफा राख्ने कुराका कुनै पनि कमी हुन नदिन निर्देशन दिए । ‘हामी पर्यटन वर्ष २०२० को नजिकमा छौँ,’ मेयर शाक्यले भने, ‘सहर कसरी सफा राख्न सकिन्छ, त्यसमा बढी ध्यान दिनुहोला । पर्यटकलाई आकर्षित कसरी गर्न सकिन्छ त्यसमा पनि ध्यान दिनुहोला ।’
त्यसैगरी दुवै निकायको मुख्य प्रवेशद्वारबाट त्रिपुरेश्वरतर्फ नेपाली सेनाको मुख्यालयतर्फको स्थानको सरसफाइ र सौन्दर्यकरण गर्ने, यात्रुलाई बस्ने मेचको व्यवस्था गर्ने योजना छ । यसको व्यवस्थापन नेपाली सेनाले गर्नेछ ।
