‘बाहुबली’का नायक प्रभाष अहिले नयाँ चलचित्र ‘साहो’को रिलिज तयारीमा छन् । बहुप्रतिक्षित यस चलचित्रमा श्रद्धा कपुरको पनि मुख्य भूमिका छ । चलचित्रलाई सुजिथले निर्देशन गरेका हुन् ।
प्रचारको क्रममा एक बलिउड मिडियाले प्रभाषलाई ‘दंगल’का आमिर खानसँग तुलना गरेका थिए । दंगलमा आमिरको भूमिका र बाहुबलीमा प्रभाषको भूमिका उस्तै भएको बताइयो ।
यस्तैमा प्रभाषले भने, ‘आमिर मलाई एकदमै मन पर्ने कलाकार हुन् ।प्रभाषले आफूलाई दंगल निकै मन परेको बताए । यसैमा एक पत्रकारले प्रभाषलाई प्रश्न गरेका थिए, ‘रिमेक बन्यो भने तपाईं काम गर्नुहुन्छ ?’
उत्तरमा प्रभाषले भने, ‘मलाई थाहा छैन, मैले आमिरको जस्तो काम गर्न सक्छु वा सक्दिनँ । तर, त्यो अवसर मलाई मिल्यो भने पक्कै काम गर्नेछु ।’
