काठमाडौं । नेपाली चलचित्रको विकास र प्रवद्र्धन गर्ने उद्देश्यले झापाको विर्तामोडमा देश नम्बर १ स्तरिय ‘फस्ट प्रोभिन्स १ सिनेमा डिकेट अवार्ड २०७६’ अवार्ड हुने भएको छ । अवार्डका संयोज मनोज केसीका अनुसार, प्रदेश नम्बर १ मा जन्म लिएर देशका जुनसुकै भागमा रहेर कलाकारिता गरेका कलाकारलाई सम्मान गरिनेछ ।
केसीका अनुसार, चलचित्र क्षेत्रमा १० बर्ष निरन्तर काम गरेका व्यक्तिलाई मात्र अवार्ड कार्यक्रममा सहभागीता गराइनेछ ।अवार्ड कार्यक्रममा प्रदेश नम्बर १ बाट चलचित्र क्षेत्रमा योगदान पुर्याएका ३ जना चलचित्रकर्मीलाई ‘लाइफ टाइम एचिभमेन्ट अवार्ड’बाट सम्मानित गरिनेछ । यो अवार्ड समारोह मंसिर महिना भित्रमा गर्ने बताइएको छ ।
कार्यक्रममा पुगेका कलाकार सुनिल थापाले भारतमा पनि यस्तो अवार्ड नभएको दाबी गरे । अवार्डलाई भव्य र सव्य रुपमा आयोजना गरिने पूर्वेली यूवा क्लबका पूर्व अध्यक्ष एवं अवार्डका संयोजक रमेश चौधरीले बताए ।
