काठमाडौं । हाँस्य कलाकार जोडी सिताराम कट्टेल र कुञ्जना घिमिरेको रामबाबु गुरुङ निर्देशन चलचित्र ‘सेन्टी भाइरस’को निर्माणको घोषणा भएको छ । यसअघि सो चलचित्रको निर्माण गर्ने कुरा बजारमा चलेको मात्रै थियो । साथै चलचित्र बजारमा ‘एन्टी भाइरसदेखि छल कपट’सम्म चर्चामा थियो ।
सामाजिक कथावस्तुमै बन्ने कमेडी जनराको चलचित्रमा सिताराम कट्टेल, कुञ्जना घिमिरे, दयाहाङ राई, विल्सन विक्रम राई, वुद्दि तामाङ, कमलमणी नेपाल, राजाराम पौडेल, सुर्यमाला खनाल, बसन्त भट्ट र दीपक आचार्यको मुख्य भूमिका रहनेछ ।
कार्यक्रममा बोल्दै कलाकार तथा प्रस्तुतकर्ता सितारामले गौतम बुद्ध अन्तरराष्ट्रिय क्रिकेट रंगशालाको काम अगाडि बढिरहेको कुरा पनि निकाले रडीपीआर दशैंसम्म सकिन्छ होला भन्ने कुरा पनि बताए । र यो भन्दा अगाडि नै आफुहरुले चलचित्र छायांकन सक्ने पनि बताए ।
यस्तै, कलाकार कुञ्जना घिमिरेले चलचित्रको नाम सेन्टी भाइरस भएपनि आफुहरु भने रमाइलो भाइरस भएको भन्दै सबैलाई कार्यक्रममा हसाएका थिए । सो चलचित्र सुबिहानी फिल्मस् प्रा.लिको ब्यानरमा बन्नेछ ।
