काठमाडौं । कोपा अमेरिका –२०१९ मा आमन्त्रित टोलीका रूपमा सहभागी कतारलाई कोलम्बियाले पराजित गरेको छ।
समुह बी अन्तर्गत बिहिबार बिहान खेलमा कतार १–० ले पराजित भएको हो। कोलम्बियाको जितमा एकमात्र गोल डुवान जापाताले गरेका थिए।
पहिलो हाफ बराबरी खेलको कतारले दोस्रो हाफको ८६ औं मिनेटमा गोल खाएको थियो । खेलको ८६ औं मिनेटमा डुवान जापाताले एक गोल गर्दै खेलमा १–० को अग्रता कायम गरेको थियो । बाँकी समयका कुनै पनि गोल नहुँदा कोलम्बियाले अकं तालिकामा ३ अकं जोड्यो ।
विजयी भएको कोलम्बियाको २ खेलबाट २ जितसँगै ६ अकं सहित अकं तालिकाको पहिलो स्थानमा रहेको छ । पराजित कतार भने एक बराबरी र एक हारसँगै अकं तालिकाको दोस्रो स्थानमा रहेको छ ।
यसअधि कोलम्बियाले अर्जेन्टिनालाई २–० ले पराजित गरेको थियो भने कतार पराग्वेसँग २–२ को बराबरीमा रोकिएको थियो । जितसँगै कोलम्बिया क्वाटरफाइनल पुग्ने पहिलो टोली बनेको छ।
