काठमाडौं । पाकिस्तान क्रिकेट बोर्डका अध्यक्ष एहसान मानिले भारतसँग खेल्न पाऊ भनेर भीख नमाग्ने बताएका छन् ।
गद्दाफी स्टेडियममा शुक्रबार सन्चारकर्मीसँग कुरा गर्दै‘हामीसँग खेलिदेऊ भनेर भारत वा अन्य कुनै मुलुकसँग भीख माग्दैनौ । भारतसँगको खेल पुनः आरम्भका लागि सभ्य र गरिमापूर्ण हिसाबले मात्रै द्विपक्षीय सम्झौता हुनसक्छ,’ मानीले भने ।
भारत र पाकिस्तान विश्वकप क्रिकेट २०१९ अन्तर्गत आइतबार म्यानचेस्टरमा भिड्दै छन् । यी दुई मुलुकबीचको प्रतिस्पर्धा खेलभन्दा पनि युद्धजस्तो हुन्छ । यी दुई मुलुकबीच बहुपक्षीय प्रतियोगिताबाहेक जनवरी २०१३ यता द्विपक्षीय प्रतिस्पर्धा भएको छैन ।
भारतले यसअघि पहिलो खेलमा दक्षिण अफ्रिकालाई ६ विकेटले पराजित गरेको थियो । भने दोस्रो खेलमा अष्ट्रेलियालाई ३६ रनले पराजित बनाएको थियो । हिजोको खेल भने वर्षाका कारण रद्द भएको थियो ।
यता, पाकिस्तानले एक जित, दुई हार र एक बराबर नतिजा निकालेको छ । पाकिस्तान पहिलो खेलमा वेस्ट इन्डिजसँग सात विकेटले पराजित भएको थियो । दोस्रो पाकिस्तानले घरेलु टोली इङ्ल्यान्डलाई १४ रनले हराएको थियो । तेस्रो पाकिस्तान र श्रीलंकाबीचको खेल वर्षाका कारण रद्ध भएको थियो । चौथो खेलमा अष्ट्रेलियासँग ४१ रनले हारेको थियो ।
भारत टिम
विराट कोहली (कप्तान) रोहित शर्मा, युजभिन्द्र चाहाल, मेहन्द्रसिंह धोनी, केदार जाधव, कुलदीप यादव, मोहम्मद शामी, केएल राहुल, जस्प्रित बुमराह, शिखर धवन, रविन्द्र जडेजा, दिनेश कार्थिक, भुवनेश्वर कुमार, हार्दिक पाण्ड्या, विजय शंकर ।
पाकिस्तान टिम
सर्फराज अहमद (कप्तान), फखर जमान, इमाम उल हक, बाबर आजम, हरिस सोहेल, मोहम्मद हफिज, सोहेब मलिक, आसिफ अली, इमाद वासिम, सादब खान, मोहम्मद आमिर, मोहम्मद हसनाइन, हसन अली, वाहव रियाज, साहिन शा अफ्रिदी ।
