काठमाडौं । अस्ट्रेलियाका प्रधानमन्त्री स्कट मोरिसोनलाई चुनाव प्रचारका क्रममा एकजना विरोधकर्ताले मंगलवार अण्डा प्रहार गरेका छन् ।
अण्डा मोरिसोनको टाउकोमा लाग्यो तर फुटेन, स्थानीय सञ्चारमाध्यमले बताए । यस घटनाका कारण एक वृद्ध महिला भुइँमा लडेकी छन् ।
अण्डा फाल्ने २५ वर्षीया महिलालाई नियन्त्रणमा लिइएको र पछि प्रहरीले पक्राउ गरेको थियो ।
मोरिसोनले अण्डा फाल्ने व्यक्ति डरछेरुवा भएको टिप्पणी गरे ।
राजधानी क्यानबेराभन्दा ३३० किलोमिटर पर रहेको आल्बरीमा यो घटना भएको हो ।
मोरिसोनले पछि सुरक्षा कर्मचारीलाई तत्कालै हस्तक्षेप गरेकोमा प्रशंसा गरे अनि वृद्धा महिलाप्रति चिन्ता व्यक्त गरे । ती वृद्धाको नाम मार्गरेट ब्याक्सटर भएको सञ्चारमाध्यमहरूले जनाएका छन् ।
भीगन अभियन्ताहरूले हालैका दिनमा कृषकहरूको विरोध हालैका दिनमा गरिरहेका छन् । यो घटना पनि त्यही सिलसिलामा भएको हो कि छुट्टै हो भन्ने विषयमा प्रहरीले अनुमान लगाएको छैन ।
