बलिउड दबंग स्टार सलमान खान र बेबी डल सन्नी लियोनी गुगलमा सबै भन्दा बढी खोजिने अभिनेता तथा अभिनेत्री भएको भारतीय संचार माध्यमले जनाएका छन्।
भारतीय संचार माध्यमले सार्वजनिक गरेको पाँच सबै भन्दा बढी खोजीने अभिनेताको सूचिमा सलमानसँगै शाहरुख खान ,अक्षय कुमार, अमिताभ बच्चन र रजनिकान्त रहेका छन्। त्यस्तै, अभिनेत्रीतर्फ सन्नीसँगै कैटरिना कैफ, करिना कपुर, काजल अग्रवाल र दीपिका पादुकोण रहेका छन्।
यता, सवै भन्दा बढी खोजिएको चलचित्रमा भने पिके रहेको छ। त्यस्तै बाहुबली, आशिकी –२, धुम –३, र किक पनि सर्वाधिक खोजिएको चलचित्रमा पर्दछन्।
सर्वाधिक खोजी गरिने निर्देशकमा भने प्रभु देवा रहेका छन्। त्यस्तै सर्वाधिक खोजिने क्लासिक कलाकारमा भने रेखा अग्रस्थानमा रहदाँ गायकतर्फ भने हनी सिंह अगाडि रहेका छन्।
