काठमाडौँ । राप्रपाका वरिष्ठ नेता एवं पूर्वप्रधानमन्त्री लोकेन्द्रबहादुर चन्दले राप्रपाको नेतृत्व अब युवापुस्तालाई दिनु पर्ने बताएका छन् ।
काठमाडौंको भृकुटीमण्डपमा जारी राप्रपाको एकताको महाधिवेशनको उद्घाटन सत्रलाई सम्बोधन गर्दै चन्दले अध्यक्षको दाबीमा पशुपति शमशेर जबरा र डा प्रकाशचन्द्र लोहनीले हात झिकेको बताउँदै अब कमल थापा पनि पछि हट्नुपर्ने बताएका छन् ।
‘हिजो पशुपति र लोहनी अध्यक्षको दौडबाट हटिसक्नुभयो, अर्का नेता (कमल थापा) पनि अध्यक्ष दौडबाट हट्नुपर्छ।’
राप्रपाको महाधिवेशन आजदेखि सुरु हुँदैछ । आगामी अध्यक्षका लागि वर्तमान अध्यक्ष कमल थापा र महामन्त्री राजेन्द्रप्रसाद लिङ्देन प्रतिस्पर्धामा छन् ।
