काठमाडौँ । नेपालमा सञ्चालन भएका दूर संचार सेवा प्रदायक संस्थाहरुले २ अर्ब ९६ करोड ६५ लाख ८५ हजार बक्यौता रकम सरकारलाई तिर्न बाँकि रहेको छ ।
हालसम्म दर्ता भएका १ सय ५३ वटा दूर संचार सेवा प्रदायक संस्थाबाट ठुलो रकम उठाउन बाकी रहेको खुलेको हो । हालसम्म नेपाल टेलिकम र युटियल जस्ता ठुला कम्पनीले पनि रकम बक्यौता राखेको खुलेको छ ।
शुक्रबार सञ्चार तथा सूचना प्रविधिमन्त्री गोकुल बास्कोटाले संघीय संसद प्रतिनिधिसभा अन्तरगतको अर्थ समितिको बैठकमा दूरसंचार सेवा प्रदायक संस्थाहरुले पुस मसान्त भित्र २ अर्ब ९६ करोड भन्दाबढि बक्यौता रकम बुझाउन बाँकि रहेको जानकारी गराएका थिए ।
ति संस्थाहरुले फ्रिक्वेन्सी दस्तुर, रोयल्टी रकम, नविकरण दस्तुर, ग्रामिण दूर संचार कोषलगायत गरेर सरकारलाई बुझाउनुपर्ने रकम बुझाउन बाँकि रहेको छ ।
त्यसमध्ये सबैभन्दा बढि स्मार्ट टेलिकम प्रालिले १ अरव ४० करोड ७६ लाख ५८ हजारभन्दा बढि बक्यौता रकम बुझाउन बाँकि छ । त्यसैगरी युनाईटेड टेलिकम लिमिटेडले सरकारलाई ७९ करोड ४२ लाख ९५ हजारभन्दा बढि बक्यौंता रकम बुझाउन बाँकि छ ।
मन्त्री बास्कोटाले युटिएलले हालसम्म कुनै पनि सेवा वापतको दस्तुर रकम सरकारलाई नबुझाएको पनि समितिलाई जानकारी गराए।
