वीरगञ्ज । प्रधानाध्यापकको सरुवाको बिषयलाई लिएर विद्यालयका विद्यार्थीहरूले गरेको प्रदर्शन आज पनि जारी रहेको छ । बिरोध प्रदर्शनले गर्दा आज दास्रो दिन पनि वीरगञ्ज घन्टाघरको अवस्था तनावपूर्ण बनेको छ।
प्रदर्शनमा उत्रिएका विद्यार्थीले लाठी लिएर प्रदर्शन गर्नुको साथै सडक वरपर रहेको रेलिङ र भैतिक संरचनाको तोडफोड गरेपछि प्रहरीले लाठी चार्ज गरेको प्रहरीले जनाएको छ । महानगरपालिकाको विरोधमा चर्को नाराबाजी गर्दै विद्यार्थीहरूले गरेको प्रदर्शनले वीरगन्ज बजारको जनजिवन प्रभाबित भएको छ ।
वीरगन्ज महानगरपालिकाले आठ वटा माध्यमिक विद्यालयका प्रधानाध्यापकहरूको सरुवा एकै पल्ट गराउन लागेपछि वीरगञ्जका बिद्यार्थीहरु रुस्ट बनेका हुन् ।
प्रअको सरुवा फिर्ता गर्नुपर्ने विद्यार्थीहरूको अडान रहेको छ। राम्रो आयस्रोतको रूपमा मानिएका माध्यमिक विद्यालयका सरुवामा परेका प्रधानाध्यापकहरूले विद्यार्थीहरूलाई उचालेर आन्दोलन गराएको आरोप सामाजिक सञ्जालदेखि वीरगञ्ज महानगरले यस अघि नै लगाउदै आएका थिए ।
