काठमाडौं । शहीद स्मारक ए डिभिजन लिग फुटबलमा लिग लिडर मनाङ मर्स्याङ्दी क्लबले च्यासल युथ क्लबलााई पराजित गरेको छ । लगातार नवौं जित निकाल्ने क्रममा च्यासल युथ क्लबलाई ३–१ गोलअन्तरले पराजित गरेको हो ।
ललितपुरको सातदोबाटोस्थित एन्फा कम्प्लेक्सको खेल मैदानमा आज भएको खेलमा मनाङको जित दिलाउन अडेलजा सोमिड, अफिज ओलावाले र विमल रानाले १–१ गोल गरेका हुन् । यता, च्यासलका लागि भने कप्तान देबेन्द्र तामाङले गोल गरेपनि जितको लागि प्रयाप्त हुन सकेन ।
मनाङले खेलको १६ औं, ७२औं र ८८औं मिनेटमा गोल गरेको थियो । तर, खेलको अतिरिक्त समयमा च्यासलका देबेन्द्रले पेनाल्टीबाट गोल गरेपनि मनाङसँगको हार टार्न सकेन ।
जितसँगै शीर्ष स्थानमा रहेको मनाङले नवौं खेलबाट २७ अंक बनाएको छ । पराजित च्यासलको भने नवौं खेलबाट १३ अंक जोडेको छ ।
