एजेन्सी । इंग्लिस प्रिमियर लिग फुटबलमा आर्सनलले पराजय बेहोरेको छ । सोमबार मध्यरातमा भएको खेलमा आर्सनल क्रिस्टल प्यालेससँग ३–० गोलले पराजित भएको हो ।
खेलको १६ औं मिनेटमा जिन फिलिप मेटेटाले गोल गर्दै घरेलु मैदानमा क्रिस्टल प्यालेसलाई सुरुवाती अग्रता दिलाएका थिए । २४ औं मिनेटमा जोर्डन अइयुले गोल गर्दै प्यालेसको अग्रता दोब्बर पारे । यस्तै, दोस्रो हाफको ७४ औं मिनेटमा विल्फ्रेड जाहाले पेनाल्टीमार्फत गोल गर्दै प्यालेसलाई ३–० को जित दिलाए ।
पराजित आर्सनलले अंकतालिकाको चौंथो स्थानमा उक्लने अवसर गुमायो । २९ खेल खेलेको आर्सनल ५४ अंकसहित पाँचौं स्थानमा रहेको छ ।
यस्तै, ३० खेलबाट ३७ अंक जोडेको क्रिस्टल प्यालेस नवौं स्थानमा रहेको छ ।
