काठमाडौं । राष्ट्रिय प्रजातन्त्र पार्टी (राप्रपा) ले आज घोषणापत्र सार्वजनिक गर्ने भएको छ । राप्रपा प्रवक्ता मोहन श्रेष्ठले अध्यक्ष राजेन्द्र लिङ्देनले स्थानीय तह निर्वाचनका लागि आज पार्टी कार्यालयमा घोषणापत्र सार्वजनिक गर्ने तयारी गरेको जानकारी दिए ।
उनका अनुसार घोषणापत्रमार्फत राप्रपाले स्थानीय तह निर्वाचनमा पार्टीको प्रतिबद्धता र योजनाहरु ल्याउने छ ।
यसअघि नै नेकपा एकीकृत समाजवादी, जसपा, राप्रपा नेपालले घोषणापत्र सार्वजनिक गरिसकेका छन् भने ठूला पार्टीहरु एमाले, काँग्रेस र माओवादी केन्द्रले घोषणा पत्र सार्वजनिक गर्ने तयारी गरिरहेको बताएका छन् ।
