काठमाडौँ । भारतको प्रमुख प्रतिपक्ष भारतीय राष्ट्रिय कंग्रेस पार्टीका नेता राहुल गान्धी काठमाडौं आएका छन् ।
छुट्टी मनाउन काठमाडौं आएका उनी भिस्तार एयरलाइन्सको विमानबाट सोमबार अपरान्ह ५ बजे त्रिभुवन अन्तर्राष्ट्रिय विमानस्थलमा अवतरण गरेका हुन् ।
उनी नागपोखरीस्थित होटल मेरियटमा बसेको स्रोतले बतायो । नेता गान्धीले नेपालमा ५ दिन बिताउने छन् । नेपाल भ्रमणका क्रममा उनी रारा वा मुस्ताङ भ्रमणमा जान सक्ने स्रोतले बताएको छ ।
यसअघि उनले २०७५ साल भदौ १५ गते नेपाल भ्रमण गरेका थिए ।
