काठमाडौं । भारतका पञ्जाब कांग्रेसका पूर्वअध्यक्ष तथा चर्चित क्रिकेटर समेत रहेका नवजोत सिंह सिद्धुलाई एकवर्षको जेल सजाय भएको छ।
भारतको उच्च न्यायलयले ३४ वर्ष पुरानो एक सडक दुर्घटनासम्बन्धी मुद्दामा नवजोत सिंह सिद्धुलाई एकवर्षको जेल सजाय सुनाएको भारतिय सञ्चार माध्यमहरुले बताएका छन् । सिद्धुको आक्रमणबाट एक वृद्धको ज्यान गएको थियो ।
घटना १९८८ डिसेम्बर २७ को हो । जब सिद्धु र मृतक गुरनाम सिंहबिच गाडि पार्किङको विषयलाई लिएर हातहपाई भएको थियो । त्यसै हात हपाईमा सिद्धुले गुरनाम सिंहलाई धकेल्दा सडकमा लडेर गुरनाम सिंहको मृत्यु भएको भारतिय सञ्चारमाध्यमहरुले बताएका छन् ।
भारतीय संचारमाध्यमका अनुसार सिद्धुलाई आजै गिरफ्तार गरिने भएको छ । उनलाई पटियाला जेल पठाउने तयारी भैरहेको छ ।
