काठमाडौं । वरिष्ठ हाँस्य कलाकार हरिवंश आचार्यले आफूलाई मन पर्ने सरकार आफैँले रोज्न पाउनु लोकतन्त्रको सुन्दर पक्ष रहेको बताएका छन् ।
स्थानीय निर्वाचन सम्पन्न भएको प्रसंगमा कलाकार आचार्यले सामाजिक सञ्जालमार्फत लोकतन्त्रको सुन्दर पक्ष भनेकै आफूलाई मन पर्ने सरकार आँफैले रोज्न पाउनु बताउँदै यसपटकको निर्वाचनले राजनीतिक दल तथा हामी जनता सबैलाई राम्रो सन्देश दिएको प्रतिक्रिया दिएका हुन् ।
उनले भनेका छन् ‘लोकतन्त्रको सुन्दर पक्ष भनेकै आफूलाई मन पर्ने सरकार आँफैले रोज्न पाउनु हो । यसपालीको निर्वाचनले राजनीतिक दल तथा हामी जनता सबैलाई राम्रो सन्देश दियो जस्तो लाग्छ । देशको विकासमा सथानीय सरकारको निक्कै ठूलो भूमिका हुन्छ । निर्वाचित सबै जनप्रतिनिधिलाई हार्दिक बधाई तथा सफलताको शुभकामना ।’
