एजेन्सी । कश्मीरमा आतंकवादीहरूले अर्को लक्षित हत्या गरेका छन् । राजस्थानबासी एक बैंक म्यानेजरको कुलगाममा बिहीबार बैंकमा प्रवेश गरेपछि गोली हानी हत्या गरिएको हो ।
तीन दिनअघि कुलगाममा नै एक शिक्षकको गोली हानी हत्या गरिएको थियो ।
विजय कुमारलाई मोहनपोरा शाखामा आतंककारीले गोली हानेको स्थानीय देहती बैंकका अधिकारीले बताएका छन् ।
गम्भीर अवस्थामा उनलाई अस्पताल लगिएको थियो, जहाँ उनको मृत्यु भएको हो । आतंककारीहरुको खोजीमा खोजी अभियान चलिरहेको छ ।
