काठमाडौं । नेकपा (एमाले)का अध्यक्ष केपी शर्मा ओलीले आफ्नो पार्टी संघर्षको निर्णायक विन्दूमा रहेको अवस्थामा पार्टीप्रति बफादार नहुने एमालेको कार्यकर्ता हुन नसक्ने बताएका छन् ।
निर्वाचित जनप्रतिनिधिहरूलाई काठमाडौंमा प्रशिक्षण दिँदै उनले सो कुरा बताएका हुन् ।
ओलीले भने ‘यस्तो पार्टी जो संघर्षको यस्तो विन्दूमा छ जुन निर्णायक विन्दुमा । यतिबेला पनि पार्टीप्रति निष्ठा नहुने यो कुरा कल्पना पनि गर्न सकिन्न, एमालेले कल्पना गर्न नसक्ने कुरा के हो भने हाम्रो जस्तो पार्टीप्रति निष्ठा रहँदैन, बफादार रहँदैन भने त्यो पार्टी कार्यकर्ता हुन सक्दैन ।’
पार्टीभित्र बसेर पार्टीलाई खुइल्याउने, पार्टीको प्रभाव कम पार्ने, त्यो पार्टीको नेता–कार्यकर्ता केही पनि नहुने उनले बताए ।
यस्तै, ओलीले समृद्ध नेपाल सुखी नेपालीको गन्तव्य प्राप्तिका लागि आफूले पार्टीलाई एकढिक्का बनाएको दाबी गरे ।
