काठमाडौं । फिल्म माईकल अधिकारीको फष्टलुक्स पोष्टर रिलिज भएको छ । सौगात मल्ल र सृष्टि श्रेष्ठको मुख्य भुमिका रहेको फिल्मको २ पोष्टर निर्माण संस्थाले रिलिज गरेको छ ।
सार्वजनिक एक पोष्टरमा सौगात खर्पन बोेकेर हिडि रहेका छन् जहाँ एकातिर सृष्टि र बच्चा देखिएका छन् भने अर्को तर्फ पैसाको थुप्रो देखाईएको छ । यस्तै अर्को पेष्टरमा भने सौगात र सृष्टि पैसाको बिछ्याउनामा मायालु भावमा देखिएका छन् ।
त्यसोत् फिल्मको पोष्टरसंगै प्रदर्शन मिति भाद्र ३ गतेलाई तय गरिएको छ । गोपीकृष्ण मुभिजका लागि उद्वव पौड्यालको प्रस्तुति रहेको माईकल अधिकारी निरक पौडेलको निर्माण तथा रन्जित रौनियारको निर्देशनमा तयार भएको हो ।
फिल्म भित्र सौगात र सृष्टिको जोडीको आर्थिक अवस्था निक्कै कमजोर छ । र, उनीहरु पैसाको लागि अरुलाई बच्चा जन्माइ दिने काम गर्न बाध्य हुनेछन । जहां आत्मियता, भावनात्मक सम्बन्ध संगैं हांस्य रस मिसिएका छन् ।
सौगात र सृष्टिसंगै फिल्ममा अशान्त शर्मा, ऐनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरा लगायतका कलाकारहरुकोे मुख्य भुमिका रहेको छ ।
