काठमाडौं ।राष्ट्रपति विद्यादेवी भण्डारीले जापानका पूर्वप्रधानमन्त्री सिन्जे आवेको हत्या भएकामा खेद प्रकट गर्नुभएको छ ।
राष्ट्रपति भण्डारीले आज ट्वीट गरी स्व आबेप्रति भावपूर्ण श्रद्धाञ्जलि प्रकट गर्नुभएको हो । यस दुःखद् घडीमा उहाँले मैत्रीपूर्ण जापानी जनता र स्व आबेको परिवारजनमा समवेदनसमेत प्रकट गर्नुभएको छ ।
आबेको शुक्रबार चुनावी सभामा भाषण गरिरहेका बेला गोली हानी हत्या भएको थियो । यस दुःखद् घडीमा आज नेपाल सरकारले पनि देशभर शोक मनाउने निर्णय गरेको थियो । रासस
मित्रराष्ट्र जापानका पूर्वप्रधानमन्त्री श्री सिन्जो आबेको हत्या भएकोमा खेद प्रकट गर्दै स्वर्गीय आबेप्रति भावपूर्ण श्रद्धान्जली अर्पण गर्दछु । यस दुखद् समयमा म मैत्रीपूर्ण जापानी जनता र स्वर्गीय आबेका परिवरजनमा हार्दिक समवेदना प्रकट गर्दछु ।
— Bidya Devi Bhandari (@PresidentofNP) July 9, 2022
