काठमाडौं । चिनियाँ कम्युनिस्ट पार्टी (सीपीसी)का विदेश विभाग प्रमुख लिउ जियान्चाओ र नेकपा एमालेका अध्यक्ष केपी शर्मा ओलीबिच भेटवार्ता भएको छ । विदेश विभाग प्रमुख जियान्चाओले बालकोटस्थित ओलीको निवासमै पुगेर भेट गरेका हुन् ।
नेपाल भ्रमणमा रहेका जियान्चाओ ११ जना चिनियाँ टोलीसहित छलफलका लागि ओलीलाई भट्न पुगेका हुन् । भेटवार्तामा एमालेका नेताहरू प्रदिप ज्ञवाली, बिष्णु रिमाल, राजन भट्टराई लगायतको पनि सहभागी रहेको छ ।
त्यस्तै सिपिसीका विदेश विभाग प्रमुख जियान्चाओका टोली आजै मध्यान्न ४ बजे नेकपा एकिकृत समाजबादी अध्यक्ष माधब नेपाल र सम्मानित नेता झलनाथ खनाल संग भेट गर्ने कार्यक्रम रहेको छ । उहाँहरु बीच बानेश्वरमा रहेको होटल एभरेष्टमा छलफल हुने तय भएको छ ।
